زانا هۆڵەندییەکە: ئەم مانگە زەمینلەرزەیەکی بەهێز تورکیا دەهەژێنێت

ئاڤا نیوز

 

فرانک هۆگەربیتس، ئەستێرەناسی هۆڵەندی پێشبینی دەکاتلە ماوەیەکی نزیکدا و لەم مانگەدا زەمینلەرزەیەکی بەهێز تورکیا بهەژێنێت. 

 

وێنە گەورەکە: هۆگەربیتس ئارەزووی جوڵەی هەسارەکان دەکات و هەر جارە و پێشبینییەک بۆ ڕووداوە جیهانییەکان بڵاودەکاتەوە، پێشبینییەکانی مشتومڕ دروست دەکات. دوای ئەوەی ڕۆژی چوارشەممە 07-08-2024 زەمینلەرزەیەک بە پلەی 4.6 ڕێختەر باشووری تورکیای هەژاند، هوگەربیتس هۆشداری لە دروستبوونی زەمینلەرزەیەکی بەهێزتری لەوەی پێشووتر داوە. 

 

ئەوەی پێشبینی دەکرێت: هۆگەربیتس لە ئێکس سەبارەت بەو بوومەلەرزەیەی کە بە گوڕی 4.6 شاری ئەدەنەی تورکیا گرتەوە، نووسیویەتی، "ئەگەری هەیە لە ماوەیەکی نزیکدا بوومەلەرزەیەکی بەهێزتر ڕووبدات". لە وەڵامی یەکێک لە پرسیارەکان سەبارەت بە دیاریکردنی کاتی بوومەلەرزەکە، هۆگرێبێتس وەڵامی دایەوە و گوتی: بەڵێ، مانگی ئاب مانگێکی گرینگە.

 

ئەوەی پێویستە بیزانیت: تورکیا بەهۆی پێکهاتە جیۆلۆجییەکەی هەمیشە لەژێر گوشاری پلێتەکانی عەرەبی و فارسییە، کە جووڵەکانیان وا دەکات پلێتی ژێر خاکی تورکیا کاریگەر بێت و بوومەلەرزە لەسەر ڕووکەشی دروست بێت. شارەزایانی جیۆلۆجی، هۆشداری بە ڕوودانی بوومەلەرزە و تسۆنامی لە شاری ئیستەنبووڵ دەکەن.

 

باکگراوند: نوێترین بوومەلەرزەش لە شاری دوزجە لە ساڵی 1999 لە نزیک ئیستەنبووڵ ڕووی دا. کە گوڕەکەی 7.2 پلەی رێختەر بوو 894 کەس گیانیان لەدەست دا و ملیارێک دۆلار زیانی بەدوای خۆیدا هێنا.