مایکرۆسۆفت: ئێران هێرشی ئەلیکترۆنی دەکاتە سەر بەرپرسانی ئەمریکا

ئاڤا نیوز

 

توێژەرانی کۆمپانیای مایکرۆسۆفت لە ڕاپۆرتێکیاندا هاککەرانی سەر بە حکومەتی ئێران تۆمەتبار دەکەن بەوەی هەوڵی چوونە ناو هەژمارەی "ژمارەیەک بەرپرسی باڵا"ـی ئەمریکیان داوە.

 

وێنە گەورەکە: هێرشە ئەلیکترۆنییەکە مانگی حوزەیران ئەنجام دراوە و بەرپرسانی ئەمریکیی پەیوەندیدار بە کەمپەینی هەڵبژاردنەکانی ئەمریکا کراونەتە ئامانج و لەلایەن یەکەی هەواڵگریی سوپای پاسدارانەوە پشتیوانی کراوە. 

 

زانیاریی زیاتر: ئەم هێرشانە بەشێکن لەو هەوڵانەی کە ئێران ئەنجامیان دەدات بۆ دانانی کاریگەریی لە سەر هەڵبژاردنەکانی سەرۆکایەتیی ئەمریکا کە 5-11-2024 بەڕێوە دەچن. 

 

ئەوەی پێویستە بیزانیت: پێشتر بەرپرسانی هەواڵگریی ئەمریکا ڕایانگەیاندبوو، ئێران دەیەوێت لە ڕێگەی ژمارەیەک هەژماری ناو تۆڕە کۆمەڵایەتییەکانەوە پەرە بە ناکۆکیی سیاسی لە ئەمریکا بدات.