بەرپرسێکی کۆشکی سپی: ئەمریکا وەک هاوپەیمانێکی گرنگ لە کوردستان دەڕوانێت

ئاڤا نیوز

بەرپرسێکی کۆشکی سپی لە کۆبوونەوەیدا لەگەڵ گوتەبێژی حکومەتی هەرێمی کوردستان ڕایدەگەیێنێ، ئەمریکا وەک هاوپەیمانێکی گرنگ لە کوردستان دەڕوانێت و مەبەستییەتی سەقامگیر بێت.

چیرۆکی سەرەکی: پێشەوا هەورامانی، گوتەبێژی حکومەتی هەرێمی کوردستان بەهاوڕێیەتی لەگەڵ تریفە عەزیز، بەرپرسی نوێنەرایەتیی حکومەتی هەرێمی کوردستان لە ئەمریکا، لە کۆشکی سپی لەگەڵ نیکی سۆفتنێس، بەڕێوەبەری عێراق و سووریا لە ئەنجوومەنی ئاسایشی نیشتمانیی ئەمریکا کۆبووەوە.

ڕاگەیێنراوی فەرمی: گوتەبێژی حکومەتی هەرێمی کوردستان دەڵێت، لە کۆبوونەوەکدا باسی پەیوەندییەکانی نێوان هەرێمی کوردستان و حکومەتی ئەمەریکا، بابەتی مووچەی فەرمانبەرانی هەرێم، ئازادیی کاری میدیا لە هەرێمی کوردستان، پرسی هەڵبژاردن و چەند بابەتێکی دیکە باسکراون.

لەلایەکی دیکەوە: نیکی سۆفتنێس ڕایگەیاندووە: حکومەتی ئەمەریکا وەک هاوپەیمانێکی گرنگ لە هەرێمی کوردستان دەڕوانێت و مەبەستیەتی ئارام و سەقامگیر بێت، لە نزیکەوە چاودێریی هەڵبژاردنی پەرلەمانی کوردستان دەکەن و بەپەرۆشن بۆ بەڕێوەچوونی هەڵبژاردنی پەرلەمان لە کەشێکی ئارامدا.