بەرهەمهێنانی نەوتی عێراق بۆ سەرووی ئاستی دیاریکراو بەرزدەبێتەوە

ئاڤا نیوز

 

بەرهەمهێنانی نەوتی عێراق بۆ بەرزترین ئاستی ئەمساڵی بەرزدەبێتەوە، ئەو ئاستەش تێدەپەڕێنێت کە لەگەڵ ئەندامانی ئۆپێک پڵەس لەسەری رێککەوتبوون. 

 

چیرۆکە سەرەکییەکە: لە مانگی تەمموزی ڕابردوو ئاستی بەرهەمهێنانی نەوتی عێراق بۆ سەرووی 4.33 ملیۆن بەرمیل نەوتی رۆژانە بەرزبووەتەوە، کە ڕۆژانە 400 هەزار بەرمیل نەوت لە بڕە زیاترە کە ئەندامانی ئۆپێک پڵەس لەسەری رێککەوتبوون. 

 

وێنە گەورەکە: ئەندامانی ئۆپێک پڵەس بە گشتی ئاستی بەرهەمهێنانیان بەرزکردووەتەوە، دیارترینیان عێراق و کازاخستان ڕووسیا،  بەمەش  کۆی گشتی 130 هەزار بەرمیل نەوتی ڕۆژانە لە بازاڕەکان زیادیکردووە، تێکڕای  بەرهەمی ئۆپێک پڵەس گەیشتووەتە 26.89 ملیۆن بەرمیل نەوتی رۆژانە. 

 

ئەوەی پێشبینی دەکرێت:  لەسەرەتای مانگی تشرینی یەکەمی داهاتوودا، ئەندامانی هاوپەیمانی ئۆپێک پڵەس بە سەرۆکایەتیی سعودیە و ڕووسیا کۆببنەوە. تێیدا جارێکی دیکە جەخت لە ستراتیژییەتی هاوپەیمانییەتییەکە بۆ رێکخستنی بازاڕ بکرێت و ئاستی بەرهەمهێنانی ئەندامان رێکبخرێنەوە.