بایدن: ترەمپ بۆ سەر ئاسایشی ئەمریکا مەترسییە

ئاڤا نیوز

 

جۆ بایدن، سەرۆکی ئەمریکا پێیوایە دۆناڵد ترەمپ، بەربژێری کۆمارییەکان بۆ سەرۆکایەتیی ئەمریکا مەترسییەکی جددییە بۆ سەر ئاسایشی ئەمریکا.

 

وێنە گەورەکە: بایدن سەرەڕای ئەوەی لە کێبڕکێی هەڵبژاردنەکانی سەرۆکایەتیی ئەمریکا کشاوەتەوە، بەڵام هێشتا لێدوانە تووندەکانی دژی ترەمپ بەردەوامە و ئەو بە کەسێکی مەترسیدار بۆ ئەمریکا ناو دەبات.

 

لێدوانی فەرمی: بایدن بۆ سی بی سیی نیوز گوتی: ئەو قسانەم هەڵگرن بۆ ڕۆژی خۆی، با ترەمپ لە هەڵبژاردنەکە بیباتەوە، ئینجا بزانن چی ڕوودەدات، ئەو مەترسییەکی جددییە بۆ ئاسایشی ئەمریکا، ئێمە لە خاڵی وەرچەرخانداین لە مێژووی جیهاندا. 

 

ئەو مانایەی دەیگەیێنێت: بایدن پێیوای دیموکراسی کلیکی سەرکەوتنی ئەمریکایە، بەڵام ترەمپ لە دیموکراسی دوورە، ئەگەر ببێت بە سەرۆک بەهۆی تووندی لە هەڵوێستەکانی، ئەمریکا دەخاتە ژێر مەترسیی ئەمنییەوە.