قەدەغەکردنی ئینستاگرام 396 ملیۆن دۆلار زیان بە تورکیا دەگەیەنێت

ئاڤا نیوز

 

تورکیا بۆ ماوەی زیاتر لە هەفتەیەکە پلاتفۆرمی ئینستاگرامی لە تورکیا بلۆک کردووە، ئەمەش زیانی ئابووری بە بەهای 396 ملیۆن دۆلار بە وڵاتەکە گەیاندووە. 

 

وێنە گەورەکە: دوای ئەوەی ئینستاگرام بڵاوکردنەوەی وێنەی ئیسماعیل هەنیەم سەرۆکی مەکتەبی سیاسیی حەماسی سنووردارک رد، تورکیا وەک کاردانەوەیەک ئەو پلاتفۆڕمەی بۆ ماوەی هەفتەیەک داخست، دوای ڕازیبوونی بە مەرجەکانی حکومەتی تورکیا، پلاتفۆرمەکە کەوتەوە کار.

 

لێدوانی فەرمی: بۆڕا گۆکچە، سەرۆکی دەزگای پلاندانانی ئەستەنبوڵ هۆشداری داوە و دەڵێت: تەنها لە ماوەی هەفتەیەکدا بەهۆی قەدەغەکردنی ئینستاگرامەوە زیانەکانی ئابووریمان دەگاتە 396 ملیۆن دۆلار.

 

کاریگەری و لێکەوتەکان: بەهۆی ئەوەی زۆرینەی خەڵكی تورکیا، هونەرمەند و کەسە بەناوبانگەکان، بەکارهێنەری ئەم پلاتفۆرمەن. قەدەغەکردنی ئینستاگرام کاریگەری لەسەر بازرگانیی بچووک و گەشتیاری و پیشەسازیی چێشتخانەکان دروست کردووە.