سوپای سوودان چەند ناوچەیەک لە هەرێمی کۆردۆفان کۆنترۆڵ دەکاتەوە

ئاڤا نیوز

سوپای سوودان ناوچەیەکی نوێی لە کۆردۆفان کۆنترۆڵکردەوە، هاوکات لە چەند بەرەیەکدا بەردەوامە لە شەڕی تووند لەگەڵ هێزەکانی پشتیوانی خێرا.

چیرۆکی سەرەکی: سوپای سوودان هێزەکانی ئۆپەراسیۆنی تایبەت و هێزە گەڕۆکەکان لە بەرەکانی کۆردۆفان جێگیرکردووە وەک ئامادەکارییەک بۆ دەستپێکردنی هێرشی نوێ بە مەبەستی کۆنترۆڵکردنەوەی شاری بارا لە باکووری ڕۆژهەڵاتی شاری ئەبیەزی پایتەختی ویلایەتی کۆردۆفانی باکوور.

ڕاگەیێنراوی فەرمی: ئاژانسی "فرانس پرێس" بڵاویکردەوە، ڕۆژی شەممە، سوپای سوودان ئۆپەراسیۆنێکی خێرای ئەنجامداوە و توانیویەتی دەست بەسەر ناوچەکانی (ئوم دام ، حاج ئەحمەد و کازقیل)ـدا بگرێت.

زانیاریی زیاتر: ئێستا شەڕی نێوان سوپا و هێزەکانی پشتیوانیی خێرا لە ناوچەی کۆردۆفان چڕبووەتەوە کە خەرتووم و ناوەڕاستی سوودان بە هەرێمی "دارفور"ـەوە دەبەستێتەوە، پێشتر هێزەکانی پشتیوانی خێرا توانیان بە تەواوی کۆنترۆڵی بکەن دوای چوونە ناو شاری فاشەر و ئەنجامدانی کۆمەڵکوژییەکی ترسناک دژی خەڵکی مەدەنی.