لوفتهانزای ئەڵمانی ڕاگرتنی گەشتەكانی بۆ هەولێر درێژدەکاتەوە

ئاڤا نیوز

هێڵی ئاسمانیی لوفتهانزای ئەڵمانی ڕاگرتنی سەرجەم گەشتەكانی بۆ پێنج وڵات درێژدەکاتەوە، لەنێویاندا هەرێمی كوردستان. 

وێنە گەورەكە: هێڵی ئاسمانیی لوفتهانزا كە یەكێكە لە گەورەترین كۆمپانیاكانی گواستنەوەی ئاسمانی، بەهۆی ئاڵۆزییەكانی ڕۆژهەڵاتی ناوەڕاست و هەڕەشەكانی ئێران بۆ سەر ئیسرائیل، لە پێنجی ئەم مانگەوە سەرجەم گەشتەكانی بۆ چەند وڵاتێکی ڕۆژهەڵاتی ناوەڕاست ڕاگرت.

ڕاگەیێنراوی فەرمی: هێڵی ئاسمانیی لوفتهانزای ئەڵمانی ڕایگەیاند، ڕاگرتنی سەرجەم گەشتەكانی بۆ هەولێر، تێلئەڤیڤ، تاران، بەیرووت و عەمان تا 21ی ئەم مانگە بۆ دووەمجار درێژدەکاتەوە.

هۆکارە زانراوەکان: ڕاگرتنی گەشتەکان بەهۆی پەرەسەندنی  گرژییەکانی ڕۆژهەڵاتی ناوەڕاستە بەتایبەت هەڕەشەی ئێران بۆ هێرشکردنە سەر ئیسرائیل لە تۆڵەی کوشتنی ئیسماعیل هەنیە، بەرپرسی مەکتەبی سیاسی حەماس لە تاران.