تورکیا: چاوەڕێ دەکەین عێراق پەکەکە بە 'تیرۆریست' بناسێنێت

ئاڤا نیوز

 

وەزیری بەرگریی تورکیا، هەنگاوەکانی ئەم دوایەی نێوان بەغدا و ئەنقەرە بە خاڵی وەچەرخان دادەنێت و چاوەڕوانی ئەوەیە حکومەتەکە سوودانی پەکەکە وەک 'ڕێکخراوێکی تیرۆریستی' بناسێنێت.

 

وێنە گەورەکە: عێراق دوای ئەوەی پەکەکەی وەک ڕێکخراوێکی قەدەغەکراو ناساند، تورکیا چاوەرێی هەنگاوی گەورەتری لێدەکات.

 

لێدوانی فەرمی: یەشار گولەر، وەزیری بەرگریی تورکیا دەڵێت: "هەنگاوەکانی دامەزراندنی ناوەندی هاوبەش عێراق و تورکیا بەشێوەیەکی باش بەڕێوەدەچێت، بەڵام بوونی پەکەکە لەو سنوورە زیان بە عێراق و پڕۆژەی ڕێگەی گەشەپێدان دەگەیێنێت".

 

لەلایەکی دیکەوە: گولەر ئامادەیی وڵاتەکەی بۆ هەموو جۆرە دایەلۆگێک لەگەڵ سووریا بە نێوەندگیریی مۆسکۆ نیشاندەدات و ئاماژە بەوە دەکات: "نەمانی هەسەدە و هێزە چەکدارەکانی باڵی سەربازیی پەکەکە لە ناوچە سنوورییەکان، مەرجی ڕێککەوتنی نێوانمان دەبێت".