پڕۆژەیەکی دیکە لە هەشتی حەسارۆکی هەولێر جێبەجێ دەکرێت

ئاڤا نیوز

بە گوژمەی نزیکەی یەک ملیار دینار، پڕۆژەیەکی دیکەی لە گەڕەکی هەشتی حەسارۆک لە هەولێر جێبەجێ دەکرێت، نزیکەی چوار هەزار زەوی سوودمەند دەبن.

وێنە گەورەکە: دوای سەردانی سەرۆکوەزیران بارزانی بۆ گەڕەکی هەشتی حەسارۆک لە هەولێر، تاوەکو ئێستا زیاتر لە 13 ملیار دینار لە پڕۆژەکانی  دووساید، ئاوی لوولەییی و ئاوەڕۆی سندووقی، خزمەتگوزاری  لە زۆنیB خەرجکراوە.

لێدوانی فەرمی: ساسان عەونی، وەزیری شارەوانی و گەشتوگوزاری هەرێمی كوردستان ڕایگەیاند: "پڕۆژەی دانانی کردنەوەی شەقامە سەرەکییەکانی زۆنی D  گوژمەی 972 ملیۆن دینار لە ماوەی 180 ڕۆژدا تەواو دەبێت."

بۆچی گرنگە: پڕۆژەی کردنەوەی شەقامە نێوخۆییەکانی زۆنی D گەڕەکی هەشتی حەسارۆک 48 کیلۆمەتر ڕێگەی کۆڵانەکان دەکاتەوە و زیاتر لە سێ هەزار و 700 زەوی کە لەداهاتوو دەبن بە خانوو سوودمەند دەبن.