سەهۆڵبەندەکان لەژێر هەڕەشەی توانەوەدان

ئاڤا نیوز

لە توێژینەوەیەکدا دەرکەتووە، قەبارەی سەهۆڵبەندەکان بەهۆی بەرزبوونەوەی پلەکانی گەرما بچووک بووەتەوە، ئەمەش لە سەرانسەری جیهاندا نیگەرانی بەدوای خۆیدا هێناوە.

وێنە گەورەکە: چەند ساڵێکە بەهۆی گۆڕانی کەشوهەوا و گەرمبوونی زەوی، پلەکانی گەرما لە تەواوی جیهان بەرزبوونەتەوە، بەو هۆیەوە هۆشداری دەدرێت لە توانەوەی سەهۆڵبەندەکان کە کاریگەری لەسەر کەشوهەوای تەواوی جیهان دەبێت.

بڵاوکراوەی فەرمی: بەپێی توێژینەوەک کە ئەم مانگە لە گۆڤاری ساینس بڵاوکراوەتەوە، دەرکەوتووە سەهۆڵبەندانەکانی بەستەڵەکی باکوور لە ماوەکانی ڕابردوودا قەبارەیان بچووکتر بووەتەوە بەراورد بە پێشتر.

زانیاریی زیاتر: بەپێی ئاژانسی ئەکسیۆسی ئەمریکی، لە وێنەی مانگە دەستکردەکاندا دەرکەتووە؛ سەهۆڵبەندەکانی ڤەنزوێلا بەتەواوی تواونەتەوە، بەمەش بووەتە یەکەم وڵات لە کیشوەری ئەمریکای باشوور کە سەرجە سەهۆڵبەندانەکانی لەدەستداون.