دوای کەرنەڤاڵە جەماوەرییەکەی پارتی، یاریگەی فرەنسۆ هەریری لەلایەن ژینگەپارێزان پاکدەکرێتەوە

ئاڤا نیوز

تیمێکی فەرمانگەی ژینگەپارێزی هەولێر، خۆبەخشان و ژینگەپارێزان، یاریگەی فرەنسۆ هەریری،  پاکدەکەنەوە دوای کەرنەڤاڵە گەورەکەی پارتی.

چیرۆکی سەرەکی: ئەمڕۆ هەینی 07-11-2025 لە یاریگەی فرەنسۆ هەریری لە هەولێر، گەورەترین کەرنەڤاڵی پارتی دیموکراتی کوردستان بەڕێوەچوو، تێیدا بە هەزاران ئەندام و لایەنگرانی پارتی دیموکراتی کوردستان بەشداریان کرد.

لێدوانی فەرمی: ژیار جەلال، بەڕێوەبەری خزمەتگوزاری و ژینگەپارێزی هەولێر بە ئاڤای ڕاگەیاند، ئەمشەو کاتژمێر 8:30 خولەک، بە ئامادەبوونی ئۆمێد خۆشناو، پارێزگاری هەولێر، 130 ژینگەپارێز یاریگاکە لە سەرجەم ئەو پاشماوانە پاک دەکەنەوە کە بەجێماون دوای جیاکردنەوەی پلاستیک، خاشاکەکە لە زبڵخانەی کانی قڕژاڵە ژێڕگڵ دەخرێن.

ئەوەی پێویستە بیزانیت: ئەمڕۆ کۆتا ڕۆژی بانگەشەی هەڵبژاردن بوو. پارتی لە هەولێر گەورەترین کەرنەڤاڵی جەماوەری ڕێکخست و هەزاران لایەنگری ئەو حیزبە لە یاریگەی فەرەنسۆ هەریری کۆبوونەوە.