ساڵی ڕابردوو 59 هەزار کەس لەبەر پیسبوونی هەوا لە ئێران گیانیان لەدەستداوە

ئاڤا نیوز

بەگوێرەی ئامارێکی وەزارەتی تەندروستیی ئێران، ساڵی رابردوو نزیکەی 59 هەزار کەس لەو وڵاتە بە هۆکاری پیسبوونی هەوا گیانیان لەدەست داوە.

وێنە گەورەکە: پیسبوونی هەوا بە یەکێک لە هۆکارەکانی نەخۆشی و مردن لە جیهان دادەنرێت، ئێران یەکێکە لەو وڵاتانەی کە زۆرجار ڕووبەڕووی ئەم کێشەیە دەبێتەوە، بەهۆیەوە هەزاران کەس گیانیان لەدەست داوە.

لێدوانی فەرمی: عەلیڕەزا ڕەئیسی، یاریدەدەری وەزیری تەندروستیی ئێران، ڕایگەیاند ساڵی ڕابردوو 58 هەزار و 975 کەس بە هۆی پیسبوونی هەواوە گیانیان لەدەستداوە کە دەکاتە 161 حاڵەتی گیانلەدەستدان لە ڕۆژێکدا و نزیکەی 7 حاڵەت لە هەر کاتژمێرێکدا.

زانیاریی زیاتر: جگە لە زیانە گیانییەکان، ئێران لە ساڵی ڕابردوودا بە هۆی کێشە ژینگەییەکانەوە بە بەهای نزیکەی 2.17 ملیار دۆلار زیانی بەرکەوتووە کە دەکاتە ڕۆژانە 47 ملیۆن دۆلار.

ئەمەش بزانە: بەگوێرەی داتاکانی وەزارەتی تەندروستیی ئێران 100%ـی دانیشتووانی شارەکانی ئێران لەبەردەم هەڕەشەی پیسبوونی هەوادان کە لە ئاستی پێشنیازکراوی ڕێکخراوی تەندروستیی جیهانیی پیسترە.