حەماس لەگەڵ هاتنەسەرکاری سەرۆکی نوێ یەکەم هێرشی ئەنجام دەدات

ئاڤا نیوز

 

لە غەززەوە به‌ دوو مووشه‌ك هێرشكرایه‌ سه‌ر ته‌لئه‌ڤیڤی پایته‌ختی ئیسرائیل، بزووتنه‌وه‌ی حەماسیش بەرپرسیارێتیی خۆی له‌هێرشه‌كه‌ ڕادەگەیەنێت.

 

بۆچی گرنگه‌: ئەمه‌ یه‌كه‌م هێرشی حه‌ماسه‌ بۆ سه‌ر ئیسرائیل، دوای ده‌ستبه‌كاربوونی یەحیا سینوار وه‌ك سەرۆکی نوێی مەکتەبی سیاسیی بزووتنەوەکە.

 

ڕاگه‌یێنراوی فه‌رمی: سوپای ئیسرائیل ڕایگه‌یاند: "چه‌ند مووشه‌كێك لە ناوچەی بەنی سوهەیلە لە خان یوونسی باشووری غەززە هەڵدراون و له‌ نزیك کەنارئاوەکانی ته‌لئه‌ڤیڤ کەوتوونەتە خوارەوە".

 

له‌لایه‌كی دیكه‌وه: سەرچاوەیەک لە كه‌تیبه‌كانی قەسسام بڵاوی كرده‌وه‌: "وه‌ك کاردانەوەیه‌ك بەرامبه‌ر کۆمەڵکوژییەکانی زایۆنیستەکان و ئاوارەبوونی بە زۆرەملێی گەلەکەمان، بە دوو مووشەکی (M 90)، ته‌لئه‌ڤیڤمان بۆردوومان کرد".

 

زانیاریی زیاتر: بەگوێرەی ڕادیۆی سوپای ئیسرائیل، هێرشه‌كه‌ هیچ زیانێکی گیانی و ماددی لێ نه‌كه‌وتووه‌ته‌وه‌ و ته‌نانه‌ت سوپای ئیسرائیل ئاژێری ئاگادارکردنەوەی لەو ناوچەیە لێنه‌داوه‌.