عێراق و تورکیا چوارەم کۆبوونەوەی ئەمنی لە ئەنقەرە دەکەن

ئاڤا نیوز

چوارەم کۆبوونەوەی ئەمنی نێوان تورکیا و عێراق لە ئەنقەرە دەکرێت و باس لە تووندکردنەوەی پشتێنەی ئەمنی هەردوو وڵات دەکرێت.

 
وێنە گەورەکە: ڕۆژی پێنجشەممە 15-08-2024 چوارەم کۆبوونەوەی شاندی ئەمنی نێوان تورکیا و عێراق بۆ پەرەدان بە پەیوەندییەکان و کاری هاوبەشی نێوان هەردوو وڵات، لە چوارچێوەیەکی دامەزراوەیی و بەردەوامدا بەڕێوەدەچێت. 

 

زانیاریی بەدەستهاتوو: بڕیارە د. فوئاد حوسێن، وەزیری دەرەوەی عێراق سەردانی ئەنقەرە بکات و لەگەڵ هاکان فیدان، وەزیری دەرەوەی ئەو وڵاتە کۆببێتەوە، تەوەری کۆبوونەوەکەش تووندکردنەوەی پشتێنەی ئەمنی نێوان هەردوو وڵات و بەرەنگاربوونەوەی پەکەکە دەبێت. 

 

باکگراوند: ئەنقەرە و بەغدا دوای 12 ساڵ لە سەردانەکەی ڕەجەب تەیب ئەردۆغان، سەرۆککۆماری تورکیا، یاداشتێکی 26 خاڵی لێکتێگەیشتنیان لەسەر پڕۆژە ئەمنی و گەشەپێدان واژۆ کرد.