سەرۆکایەتیی هەرێمی کوردستان: هەڵبژاردن لە وادەی خۆیدا دەکرێت

ئاڤا نیوز

 

شاندی سەرۆکایەتی هەرێمی و سەرۆکی کۆمسیۆنی هەڵبژاردنەکانی عێراق کۆبوونەوە و جەخت لە بەڕێوەچوونی هەڵبژاردنی لە وادەی دیاریکراوی خۆیدا کرایەوە.

 

وێنە گەورەکە: ڕۆژی 20-10ـی ئەمساڵ بۆ بەڕێوەچوونی خولی شەشەمی هەڵبژاردنی پەرلەمانی کوردستان دیاری کراوە، كۆمیسیۆنی باڵای سەربەخۆی هەڵبژاردنەكانی عێراق ئامادەسازییەکانی چڕکردووەتەوە و ماوەی هەفتەیەکە شاندێکی کۆمیسیۆن لە هەولێرن بۆ تەواوکردنی ڕێکارە تەکنیکییەکان، لەو چوارچێوەیەشدا لەگەڵ شاندێکی هەرێمی کوردستان کۆبوونەوە.

 

لێدوانی فەرمی: دڵشاد شەهاب، گوتەبێژی سەرۆکایەتیی هەرێمی کوردستان لە کۆنگرەیەکی  ڕۆژنامەوانیدا ڕایگەیاند: "هیچ گرفتێک بۆ هەڵبژاردنی خولی شەشەمی پەرلەمانی کوردستان دروست نەبووە و لە وادەی دیاریکراوی خۆیدا دەکرێت".

 

زانیاریی زیاتر: گوتەبێژی سەرۆکایەتیی هەرێمی کوردستان جەختیشی  کردەوە هەموو هاوکارییەک پێشکەشی کۆمیسیۆن دەکەن و هەنگاوی ڕژد بۆ پارێزگاری لەسەر ڕووێکی گەشی سیاسیی لە هەرێمی کوردستان دەنێن.

 

بۆچوونی لایەنی بەرامبەر: عومەر ئەحمەد، سەرۆکی کۆمیسیۆنی باڵای هەڵبژاردنەکانی عێراق ڕایگەیاند، "هەڵبژاردنی پەرلەمانی کوردستان لە ئاست خواستی سەرجەم لایەنەکان دەبێت".