لە سێ ساڵدا سزای لەسێدارەدان بۆ 470 کەس دەرکراوە

ئاڤا نیوز 

بەپێی ڕاپۆرتێكی حكومەتی هەرێمی كوردستان، لە سێ ساڵدا سزای لەسێدارەدان بۆ 470 کەس دەرکراوە.

چیرۆکی سەرەکی: دیندار زێباری، ڕێكخەری ڕاسپاردە نێودەوڵەتییەكان لە بارەگای نەتەوەیەكگرتووەكان لە جنێڤ، گوتاری حكومەتی هەرێمی كوردستانی پێشكەش كرد و تیشكی خستە سەر بابەتی نەهێشتنی هەموو جۆرە جیاکارییەکی ڕەگەزی.

لێدوانی فەرمی: دیندار زێباری ڕایگەیاند: جێبەجێکردنی سزای لەسێدارەدان لە هەرێمی کوردستان نەماوە، سەرەڕای ئەمەش لە ساڵی (2022) تاوەکو (11-8-2024) ژمارەی ئەو تۆمەتبارانەی لە هەرێمی كوردستان حوکمی لەسێدارەدانیان بۆ دەرکراوە گەیشتووەتە (470) كەس.

زانیاریی زیاتر: لەنێو ئەو (470) كەسە، (11)كەسیان بیانین، هەروەها  لەو ماوەیەشدا سزای (4) کەس لە لەسێدارەدانەوە بۆ زیندانی هەتاهەتایی گۆڕدراوە.