لە هەفتەیەکدا زیاتر لە 15هاووڵاتی کورد لە عەفرین دەستگیر کراون

ئاڤا نیوز 

بەگوتەی ڕوانگەی سووری بۆ مافەكانی مرۆڤ، دەستگیرکردن و ئەشکەنجەدانی ژنان و منداڵانی کورد لە لایەن گروپە چەکدارە توندڕەوەکانەوە لە عەفرین زیادی کردووە.

ئەوەی پێویستە بیزانیت: لە ئازاری 2018، تورکیا هێرشێکی فراوانی کردە سەر عەفرین و کۆنترۆڵی کرد، بەهۆیەوە هەزاران خەڵکی ئەو شارە ئاوارەبوون و ئێستا شارەكە لەژێر دەسەڵاتی چەندین گرووپی چەكداردایە.

ڕاگەیێنراوی فەرمی: ڕوانگەی سووری بۆ مافەکانی ڕایگەیاند: لەم هەفتەیەدا گروپە چەکدارەکانی نزیک لە تورکیا 15 هاووڵاتی کوردیان لە عەفرین دەستگیرکردووە کە سیانیان ژنن، لەگەڵ شەش منداڵ و حەوت پیاو، بەڵام هەشت کەسیان ئازادکراون ئەوانی دیکە تا ئێستا بێسەروشوێنن.

زانیاریی زیاتر: بەگوتەی ڕوانگەی سووریا "چەکدارەکان ئەشکەنجەی هاووڵاتیان دەدەن و ناچاریان دەکەن ئەگەر پارەیان پێ نەدرێت تۆمەتی بەکارهێنانی ماددەی هۆشبەریان" دەدرێتە پاڵ.