دەروازەیەكی نێودەوڵەتی بۆ ماوەی سێ ڕۆژ دادەخرێت

ئاڤا نیوز  

لەماوەی مانگ و نیوێكی ڕابردوودا، لە دەروازەی نێودەوڵەتی زێت، پێنجەمین جارە بەهۆی چاكسازی لەڕێگای دەروازەكە جموجۆڵی بازرگانی ڕادەگیرێت.

وێنە گەورەكە: دەروازەكانی هەرێمی كوردستان لەگەڵ هەریەكە لە وڵاتەكانی توركیا و ئێران و سووریا هۆكارێكی گرنگی جوڵەی بازرگانی و گەشتیارین.

ڕاگەیێنراوی فەرمی: دەروازەی نێودەوڵەتی زێت ئەمڕۆ هەینی، ئاگاداری هاونیشتمانیان دەكاتەوە، بۆ جێبەجێكردنی قۆناغی كۆتایی پڕۆژی قیرتاوكردنی ڕێگای دەروازەكە بۆ ماوەی سێ ڕۆژ لە 19-8-2024 تاوەكو 21-8-2024 هەموو جموجۆڵێكی بازرگانی و گەشتیاری لە دەروازەكە دەوەستێت.

زانیاری زیاتر: دەروازەی نێودەوڵەتی زێت ڕایگەیاندووە، ڕۆژی پێنجشەممە 22-8-2024 جموجۆڵ ئاسایی دەبێتەوە، بەڵام دەروازەكە ڕۆژانی شەممە و یەكشەممە پشووی فەرمییان دەبێت.

ئەوەی پێویستە بیزانیت: لە ڕۆژی 1-7-2024 تاوەكو ئەمڕۆ دەروازەی نێودەوڵەتی زێت 14 ڕۆژ لە كاتی جیاواز هاتوچۆی لە دەروازەكە ڕاگرتووە بەهۆی قیرتاوكردنی ڕێگاكە.

باكگراوند: هەرێمی كوردستان چوار مەرزی نێودەوڵەتی و حەوت دەروازەی بازرگانی هەیە.