کۆریای باکوور سنوورەکانی بە ڕووی گەشتیارە نێودەوڵەتییەکان دەکاتەوە

ئاڤا نیوز 

لە کۆتایی ئەمساڵ کۆریای باکوور، سنوورەکانی بە ڕووی گەشتیارە نێودەوڵەتییەکاندا دەکاتەوە.  

وێنە گەورەکە: لە ساڵی 2020ەوە تا ئێستا بە هۆی پەتای کۆرۆناوە کۆریای باکوور سنوورەکانی بە ڕووی گەشتیارە بیانییەکان داخستووە، لە کۆتایی ئەمساڵ بەنیازی کردنەوەی ئەم سنوورانەیە.   

ئەوەی پێویستە بیزانیت: کۆمپانیایەکی گەشتیاری بە ناوی کۆریۆ ڕایگەیاند: لە لایەن کۆمپانیا ناوخۆییەکانی کۆریای باکوور ئاگادار کراونەتەوە، ئەمساڵ گەشتیاران دەتوانن سەردانی شاری سامجیۆن بکەن کە دەکەوێتە نزیک سنووری چین.  

زانیاریی زیاتر: لە چوارچێوەی پڕۆژەیەک بە ناوی (شارێکی شاخاوی شارستانیی پێشکەوتوو) کۆریای باکوور دەست دەکات بە دروست کردنی کۆمەڵێک باڵەخانە و شوێنی خلیسکێنەی سەر بەفر و سەنتەری بازرگانی و تەندروستی.