ئاگادارییەک لە وەزارەتی کار و کاروباری کۆمەڵایەتییەوە

ئاڤا نیوز

وەزارەتی كار و كاروباری كۆمەڵایەتی هەرێمی كوردستان ڕایگەیاند، لەمەو دوا پێویستە هەموو خاوەن کار و پرۆژەکان بڕیاری ژمارە (172)ی تایبەت بە کرێکاران جێبەجێ بکەن.

ڕاگەیێنراوی فەرمی: وەزارەتی کارو کاروباری کۆمەڵایەتی هەرێمی كوردستان ڕایگەیاند: هەر پڕۆژەیەک بۆ کارکردن تێیدا نابێت رێژەی کرێکاری خۆماڵی کەمتر بێت لە %75 و لە بەرامبەردا خاوەنکار بۆی هەیە کەمتر لە %25ی کرێکاری بیانی بخاتە سەر کارەکەی.

زانیاریی زیاتر: لە کاتی بوونی سەرپێچی بەرامبەر کرێکاران پێویستە وەزارەتی کارو کاروباری کۆمەڵایەتی ئاگادار بکرێتەوە بۆ ئەوەی مافەکانیان پارێزراو بێت و سەرپێچیکاریش ڕووبەرووی یاسا بکرێتەوە.

ئەوەی پێویستە بیزانیت: بڕیاری ژمارە (172) بڕیارێکی ئەنجوومەنی وەزیرانی حکومەتی هەرێمی کوردستانە، بۆ گرنگیدان بە تواناکانی گەنجان و ڕەخساندنی هەلی کاری زیاتر بۆ کرێکارانی ناوخۆ.