بۆچی لاشەی ورچە كوژراوەكەی باڵەكایەتی هێنرایەوە هەولێر؟

ئاڤا نیوز  

لاشەی ئەو ورچەی لە سنووری باڵەكایەتی كوژرا، دەهێنرێتە هەولێر و لە ساردەكەرەوەی تایبەت هەڵدەگیرێت.

چیرۆكی سەرەكی: ڕۆژی دووشەممە 12-08-2024 لە ناوچەی پڕژێی كوێستانەكانی باڵەكایەتیی، ورچێك بە كوژراوی دۆزرایەوە كە ئاسەواری گوللـە بەجەستەیەوە دیارە و تاكە ورچی جۆری دەگمەنی ڕەنگ قاوەیی بوو لە ناوچەكە مابێت.

ڕاگەیێنراوی فەرمی: بەپێی ڕاگەیێنراوێكی بەرگریی شارستانیی سۆران، دوای ئەوەی دوێنێ هەینی 17-8-2024 لاشەی ورچەكە لەلایەن تیمێكی بەڕێوەبەرایەتییەكەوە لە شاخ هێنرایە خوارەوە بۆ شاری سۆران، بەڵام بەهۆی نەبوونی ساركردنەوەی تایبەت بە ئاژەڵان بڕیار درا بۆ شاری هەولێر بگوازرێتەوە.

زانیاریی بەدەستهاتوو: بەپێی زانیارییەكان ئاڤا نیوز، ئێستا لاشەی ورچە كوژراوە لە ساردكەرەوەیەكی تایبەت بە ئاژەڵانە لە باخچەی ئاژەڵانی هەولێر، چەند ڕۆژێكی دیكە دەست بە مۆمیاكردنی دەكرێت.

لێدوانی فەرمی: هەژار ماهیر، بەڕێوەبەری فەرمانگەی ژینگەی سۆران بە ئاڤا نیوزی ڕاگەیاند: لەلایەن تیمێکی پسپۆڕ لە هەولێر کاری مۆمیاکردنەكە دەكرێت، پاشان لە "ناشناڵ پارکی هەڵگورد – سەکران" دادەنرێت.