هاریس پلانی ئابووریی خۆی ڕادەگەیێنێت

ئاڤا نیوز

 

کامالا هاریس، بەربژێری دیموکراتەکان بۆ سەرۆکایەتیی ئەمریکا، لە گوتارێکیدا، سیاسەتە ئابوورییەکانی خۆی پێش هەڵبژاردنی سەرۆکایەتیی ئەمریکا خستە ڕوو. 

 

وێنە گەورەکە: گرنگترین بابەتەکانی ناو سیاسەتی ئابووریی هاریس بریتییە لە درووستکردنی ملیۆنان خانووی نوێ، یارمەتیدانی ئەو کەسانەی کە بۆ یەکەمجارە دەیانەوێت خانوو بگرن، کەمکردنەوەی باجی سەر خێزانەکان و قەدەغەکردنی زیادکردنی نرخەکان.

 

لێدوانی فەرمی: هاریس ڕایگەیاند "دۆناڵد ترەمپ لە پێناو ملیاردێر و کۆمپانیا گەورەکاندا دەجەنگێت. من بۆ گەڕاندنەوەی پارە بۆ خێزانەکانی چینی کرێکار و ناوەڕاست دەجەنگم."

 

بۆچوونی لایەنی بەرامبەر: لە بەرامبەر ئەو قسانەدا، دۆناڵد ترەمپ ڕایگەیاند "هاریس سێ ساڵە جێگری سەرۆکی ئەمریکایە، بۆچی بەڵێنەکانی خۆی جێبەجێ نەکردووە، ئەو لە کوێ بووە و بۆچی پێشتر ئەم کارانەی نەکردووە کە دەیانڵێت؟.