تورکیا: پەیوەندییەکانمان لەگەڵ عێراق بەرەوپێش دەبەین

ئاڤا نیوز

 

لە چوارچێوەی پەرەپێدان بە پەیوەندییەکانی نێوان هەردوو وڵات، شاندی ئەمنیی نێوان عێراق و تورکیا کۆبوونەوە، ئەنقەرە جەختی لە بەرەوپێشچوونی پەیوەندیی و لێکتێگەیشتنەکانی لە هەموو بوارەکان لەگەڵ عێراق کردەوە. 

 

چیرۆکی سەرەکی: شاندی ئەمنی عێراق بە سەرۆکایەتی فوئاد حوسێن، وەزیری دەرەوەی عێراق و ڕێبەر ئەحمەد، وەزیری ناوخۆی هەرێمی کوردستان، فالح فەیاز سەرۆکی دەستەی حەشدی شەعبی سەردانی ئەنقەرەیان کرد.  فوئاد حوسێن کۆبوونەوەکەی بە بەرهەمدار وەسفی کرد.

 

ناوەڕۆکی ڕێککەوتنەکە: بەگوێرەی بڵاوکراوەی وەزارەتی دەرەوەی تورکیا، لە کۆبوونەوەکەدا " ڕێککەوتنی سەربازیی و هاوکاری ئەمنی بۆ بەرەنگاربوونەوەی تیرۆر  لە نێوان وەزیرانی بەرگری هەردوو وڵات واژۆکرا.

 

ڕاگەیێنراوی فەرمی: تورکیا ڕایگەیاندووە، ئێمە لە هەموو بوارێکدا بەشێوەیەکی یەکلاکەرەوە و بەهێز پەرە بە هاوکارییەکانمان لەگەڵ عێراق دەدەین، ئاواتەخوازین لێکتێگەیشتنمان لەسەر بەرەنگاربوونەوەی تیرۆر پێشبخەین.

 

بۆچوونی لایەنی بەرامبەر: ئەم یاداشتە نوێنەرایەتی زیادکردنێکی چۆنایەتی دەکات بۆ پەیوەندییە دووقۆڵییەکان و دووپاتکردنەوەی پابەندبوونی هاوبەشی بۆ ئاشتی و سەقامگیری لە ناوچەکەدا، بە شێوەیەک کە بەرژەوەندییە هاوبەشەکان بەدەستبهێنێت.

 

باکگراوند: دوای سەردانە مێژوویەکەی ڕەجەب تەیب ئەردۆغان، سەرۆککۆماری تورکیا بۆ بەغدا و واژووکردنی 26 یاداشتی لێکتێگەیشتن، وەچەرخانێکی نوێ لە پەیوەندییەکانی نێوان هەردوو وڵات هاتە کایەوە.