لە هەڵەبجە پڕۆژەیەک بۆ سوودمەندبوونی 361 ماڵ ئەنجام دەدرێت

ئاڤا نیوز

 

وەزارەتی شارەوانی و گەشتوگوزار دەڵێت، لە هەڵەبجە پڕۆژەیەکی گەورەی ئاوەڕۆ، کارەبا و قیڕتاوکردن  دەستیپێکرد.

 

وێنە گەورەکە: لە چوارچێوەی بایەخدانەکانی کابینەی نۆیەمی حکومەتی هەرێمی کوردستان بە پڕۆژە خزمەتگوزارییەکان، لە پارێزگەی هەڵەبجە ژمارەیەک پڕۆژە ئەنجام دەدرێن.

 

بڵاوکراوەی فەرمی: وەزارەتی شارەوانی و گەشتوگوزار بڵاوی کردووەتەوە: "ئەو پڕۆژەیە چەند بڕگەیەکی وەک ئاو و ئاوەڕۆ، شۆستە و قیڕتاوکردن، کارەبا لەخۆ دەگرێت. ئێستا کارکردن تێیدا بەردەوامە و لە ماوەیەکی نزیکدا تەواو دەبێت".

 

زانیاریی زیاتر: پڕۆژەکە لە گەڕەکی شۆڕش لە سنووری سەرۆکایەتیی شارەوانیی هەڵەبجە جێبەجێ دەکرێت و سەرووی 361  ماڵ لێی سوودمەند دەبن.