بلینكن: نەتەنیاهۆ بە ئاگربەست ڕازییە

ئاڤا نیوز

ئەنتۆنی بلینكن وەزیری دەرەوەی ئەمریكا ڕایگەیاند "بنیامین نەتەنیاهۆ سەرۆكوەزیرانی ئیسرائیل دڵنیای كردووەتەوە بە ئاگربەست لە غەززە ڕازییە".

 

وێنە گەورەکە: دوای بەڕێوەچوونی گەڕی یەکەمی دانوستانەکانی دەوحە، ئەمڕۆ 2024-08-19، وەزیری دەرەوەی ئەمریکا، سەردانی تێلئەڤیڤی کرد و لەگەڵ بەرپرسانی ئیسرائیل سەبارەت بە بەرەوپێشچوونی بابەتەکە کۆبووەوە. 

لێدوانی فەرمی: ئەنتۆنی بلینکن، وەزیری دەرەوەی ئەمریکا، لە کۆنگرەیەکی ڕۆژنامەوانیدا گوتی: "کۆبوونەوەکەمان لەگەڵ نەتانیاهۆ ئەرێنی بوو و دەڵێت ئیسرائیل پێشنیاری ئاگربەست قبوڵ دەکات کە لەلایەن ئەمریکاوە پاڵپشتی دەکرێت و دەڵێت "ئەرکە" لەسەر حەماسیش کە هەمان کار بکات.

زانیاریی زیاتر: بۆ دانوستانی زیاتر و گەیشتن بە ڕێکەوتنێکی کۆتایی لە ئاگربەستی غەززە، بلینکن بەم نزیکانە گەشت بۆ میسر و قەتەر دەکات.