لە پارێزگای دهۆک و ئیدارەی سەربەخۆی زاخۆ 17 حاڵەتی خنکان ڕوویداوە

ئاڤا نیوز  

لە سەرەتای ئەم ساڵەوە تاکو ئێستا، لە سنووری پارێزگای دهۆک و ئیدارەی سەربەخۆی زاخۆ 17 حاڵەتی خنکان ڕوویداوە.

وێنە گەورەکە: سەرەرای هەڵواسینی ڕێنمایی قەدەغەکردنی مەلەوانی لە زۆربەی ئەو ناوچانەی مەترسیان لەسەرە، بەڵام هاووڵاتیان هێشتا پابەند نین بە جێبەجێکردنی ڕێنمایەکان و بەردەوامن لە مەلەکردن.

لێدوانە فەرمییەکان: بێوار عەبدولعەزیز، گوتەبێژی بەرگریی شارستانی دهۆک بە ئاڤا نیوزی ڕاگەیاند: "لە سەرەتای ئەم ساڵەوە تاکو ئێستا نۆ حاڵەتی خنکان ڕوویداوە".

ڕائید جەمال هەسن، بەڕێوەبەری بەرگریی شارستانی زاخۆ بە ئاڤا نیوزی ڕاگەیاند: " لە سەرەتای ئەم ساڵەوە تاکو ئێستا حەوت حەڵەتی خنکان ڕوویانداوە".

عەقید ئیبراهیم فەریق، بەڕێوەبەری بەرگریی شارستانی ئاکرێ بە ئاڤا نیوزی ڕاگەیاند: " لە سەرەتای ساڵەوە تاکو ئێستا یەک حاڵەتی خنکان ڕوویداوە".

باکگراوند: لە ساڵی 2023دا لە سنووری پارێزگای دهۆک و ئیدارەی سەربەخۆی زاخۆ 30 حاڵەتی خنکان ڕووی دابوو.