پرۆژەی قیرتاوكردن و دانانی تۆڕی ئاو و ئاوەڕۆ لە هەریر جێبەجێ دەكرێت

ئاڤا نیوز  

وەزارەتی شارەوانی و گەشتوگوزار ڕایگەیاند، لە هەریر بە گوژمەی 800 ملیۆن دینار، پڕۆژەیەكی خزمەتگوزاری گەورەی قیرتاوکردنی ڕێگەی سەرەکی و دانانی ئاوەڕۆ و تۆڕی ئاو جێبەجێ دەكرێت.

بۆچی گرنگە: ئەم پڕۆژەیە سوودێکی گەورە بە هاووڵاتیانی ئەم ناوچەیە دەگەیێنێت، نزیكەی 250 ماڵ لێی سوودمەند دەبن.

بڵاوکراوەی فەرمی: وەزارەتی شارەوانی و گەشتوگوزاری هەرێمی كوردستان ڕایگەیاند: پڕۆژەكە لە گەڕەکی فرەنسۆ هەریری لە سنووری سەرۆکایەتیی شارەوانیی هەریر بە گوژمەی 800 ملیۆن دینار لەسەر بودجەی پەرەپێدانی پارێزگای هەولێر و بە سەرپەرشتیی تیمەكانی شارەوانی جێبەجێ دەكرێت.

ئەوەی پێوستە بیزانیت: پڕۆژەكە بریتییە لە قیرتاوكردنی شەقامێكی سەرەكی و كۆنكرێتكردنی هەشت كۆڵان و دانانی قاڵبی كربستۆن.