تا ئێستا بەنداوی خنسی 5.9 ملیۆن مەترسێجا ئاوی گل داوەتەوە

ئاڤا نیوز  

كابینەی نۆیەم بەنداوی خنسی بە گوژمەی زیاتر لە نۆ ملیار دینار تەواو كردووە، تا ئێستا 5.9 ملیۆن مەترسێجا ئاوی گل داوەتەوە.

وێنە گەورەکە: لە کابینەی نۆیەمی حکومەتی هەرێمی کوردستان گرنگییەکی تایبەت بە پلاندانان بۆ داڕشتنی سیاسەتی پاراستنی سامانی ئاو لە سەرجەم ناوچەکانی هەرێمی کوردستان دراوە، بۆ ئەم مەبەستەش چەندین بەنداو پۆندی دروستکراون.

بڵاوکراوەی فەرمی: فەرمانگەی میدیا و زانیاری ڕایگەیاند: "بەنداوی خنس دەکەوێتە پارێزگای دهۆک، ڕووبەرەکەی 820 هەزار مەتری دووجایە و بەرزییەکەی 34.5 مەترە و درێژییەکەی 195 مەترە، بەنداوەکە توانای گل دانەوەی حەوت ملیۆن مەترسێجا ئاوی هەیە،   ئێستا 5.9 ملیۆن مەترسێجا ئاوی گل داوەتەوە".

بۆچی گرنگە: بەنداوەکە بە مەبەستی پاراستنی ئاوی ژێر زەوی، ئاودێری، گەشتیاری و سامانی ماسی کەڵکی لێ وەردەگیرێت.