قۆناغی یەكەمی قیرتاوكردنەوەی شەقامی 100 مەتریی هەولێر كۆتایی هات

ئاڤا نیوز

 

قۆناغی یەکەمی قیرتاوکردن و نۆژەنکردنەوەی شەقامی 100 مەتریی شاری هەولێر کە بە گوژمەی زیاتر لە سێ ملیار دینار جێبەجێ دەکرا، کۆتایی هات.

 

وێنە گەورەکە: سەرۆکایەتیی شارەوانیی هەولێر لەسەر بودجەی وەزارەتی شارەوانی، شەقامە تیکچووەکانی ناو شار نۆژەن دەکاتەوە، چەند ڕۆژێك بوو قۆناغی یەكەمی نۆژەن و قیرتاوكردنی شەقامی 100 مەتریی هەولێر دەستیپێكردبوو؛ ڕۆژی هەینی كۆتایی هات.

 

لێدوانی فەرمی: ئومێد خۆشناو، پارێزگاری هەولێر بە ئاڤا میدیای ڕاگەیاند، بە گوژمەی سێ ملیار و 550 ملیۆن دینار لەسەر بودجەی وەزارەتی شارەوانی و گەشتوگوزار، قیڕتاوکردنی پڕۆژەی نۆژەنکردنەوەی شەقامی 100 مەتریی هەولێر لە چوارڕێیانی ڕێگای مەخموور تاوەکوو چوارڕێیانی ڕێگای مووسڵ بە درێژاییی هەشت كیلۆمەتر لە هەردوو ڕێڕەوی شەقامەكە وەك قۆناغی یەكەم کۆتایی هات.