لە کفری پڕۆژەیەكی ئاودێری جێبەجێ دەكرێت

ئاڤا نیوز 

لە سنووری كفری پڕۆژەیەكی کشتوکاڵی جێبەجێ دەکرێت و لە چەمێكەوە ئاو بۆ ژمارەیەکی زۆر زەویی كشتوكاڵی دەبرێت.

وێنە گەورەكە: کابینەی نۆیەمی حكومەتی هەرێمی كوردستان گرنگییەکی زۆر بە کەرتی كشتوكاڵ و باشتركردن ژیانی جووتیاران دەدات، لەڕێگەی دەیان بەنداو و پۆند و پڕۆژەشەوە کار لەسەر زیادکردن و گلدانەوەی  ئاو بۆ پرۆژەکانی کشتوکاڵ دەکات.

 

لێدوانی فەرمی: كاروان سەباح هەورامی، بەڕێوەبەری گشتیی سەرچاوەكانی ئاو بە ئاڤا نیوزی گوت:" بە گوژمەی 260 ملیۆن دینار پڕۆژەیەكی گرنگی ئاودێری لە سنووری ناحیەی سەرقەڵا لە قەزای كفری جێبەجێ دەكرێت".

زانیاریی زیاتر: پڕۆژەکە بریتییە دروستکردنی جۆگەیەک و ڕاكێشانی ئاو لە چەمی هۆمەربل لە سنووری ناحیەی سەرقەڵا بە درێژایی هەزار و 300 مەتر بۆ ژمارەیەك زەویی كشتوكاڵی، كە لەم ڕێگەیەوە جووتیارانی ناوچەكە سوودمەند دەبن و گرفتی كەمئاوییان نامێنێت.