ئاسایشی نیشتمانیی ئێران: وەڵامی تیرۆركردنی هەنیە دەدەینەوە

ئاڤا نیوز

 

جارێكی دیكە بەرپرسانی ئێران باس لە تیرۆركردنی ئیسماعیل هەنیە دەكەن و بەڵێنی تۆڵەسەندنەوەیەكی تووند و بەهێز دەدەن.

 

وێنە گەورەكە: ئێران بەردەوامە لە هەڕەشەكردن لە ئیسرائیل لەبارەی كوشتنی ئیسماعیل هەنیە، سەرۆكی مەكتەبی سیاسی حەماس كە لە تاران كوژرا، بەڵێنی تۆڵە سەندنەوەیەكی تووند دەدات لە كات و شوێن و بە شێوەیەكی جیاواز.

 

لێدوانی فەرمی: لیژنەی ئاسایشی نیشتمانی لە پەرلەمانی ئێران لە ڕاگەیێنراوێكدا دەڵێت: تاران بەتووندی وەڵامی یەكلاكەرەوەی دەبێت لە كاردانەوەی كوشتنی هەنیەدا، بەڵام لە كات و شوێن و فۆڕمی جیاوازدا.

 

لەلایەکی دیکەوە: بەپێی زانیارییەكانی میدیاكانی ئەمریكا، ئێران چاوەڕێی ئاگربەستی نێوان حەماس و ئیسرائیلە ئەگەر ڕێككەوتن نەكرێت ئێران وەڵامی تووندی دەبێت.