لیژنەی ئەمنیی پارێزگای هەولێر ئامادەكاریی بۆ هەڵبژاردن دەكات

ئاڤا نیوز

لیژنەی ئەمنیی پارێزگای هەولێر وەک ئامادەكاری بۆ بەڕێوەچوونی پرۆسەی هەڵبژاردنی پەرلەمانی كوردستان کۆبووەوە و لەمڕۆوە دەست بە جێبەجێکردنی ڕێنماییەکان دەکەن .

ڕاگەیێنراوی فەرمی: پارێزگای هەولێر ڕایگەیاند: "گفتوگۆ لەبارەى دابینکردنى سەرجەم پێداویستییەکان بۆ سەرکەوتن و باش بەڕێوەچوونى پرۆسەکە کرا. پارێزگارى هەولێر جەختى لە ئامادەباشی سەرجەم لایەنە پەیوەندیدارەکان و هێزەکانی ناوخۆ و گرتنەبەرى هەموو ڕێکارێکى پێویست کردەوە بۆ بە جێگەیاندنی ئەرکەکانیان لە ڕۆژى دەنگداندا".

لێدوانی فەرمی: ئومێد خۆشناو، پارێزگاری هەولێر ڕایگەیاند: بۆ پڕوپاگەندەی هەڵبژاردن دەبێت زەمینە بۆ  سەرجەم لایەنەکان بڕەخسێنرێت، پێویستە ئەوانیش پابەندبن بە بڕیار و ڕێنماییەکانی کۆمیسیۆنی هەڵبژاردنەکان بۆ ئەوەی پرۆسەکە سەرکوتوو بێت".