ڕەوانەكردنی مووچەی مانگی حەوت بۆ هەرێمی كوردستان زیاتر دوادەکەوێت

ئاڤا نیوز

ناردنی پارە بۆ مووچەی مووچەخۆرانی هەرێمی كوردستان لەلایەن وەزارەتی دارایی عێراقەوە بەهۆی چلەی ئیمام حوسێن زیاتر دوادەکەوێت.

وێنە گەورەکە: بەبۆنەی چلەی ماتەمینی ئیمام حوسێن ڕۆژی یەکشەممە 25-08-2024 لە سەرجەم دامودەزگاکانی عێراق پشووە و بەمەش ناردنی پارە بۆ هەرێمی کوردستان دوادەکەوێت و دەکەوێتە دوای ڕۆژی دووشەممە.

 

ئەوەی پێویستە بیزانیت: دوای تێپەڕبوونی  مانگێک بەسەر لیستی مووچە بۆ بەغدا، وەزارەتی دارایی عێراق داوای لە وەزارەتی دارایی و ئابووری هەرێمی کوردستان کرد گۆڕانکاری لە لیستی مووچەخۆراندا بکەن و دووبارە بۆیان بنێرنەوە، بەپێی زانیارییەکانی ئاڤا نیوزیش ئەمڕۆ دووبارە لیستەکە بۆ بەغدا نێردراوەتەوە.

لێدوانی فەرمی: د. جەمال کۆچەر، ئەندامی لیژنەی دارایی لە پەرلەمانی عێراق بە ئاڤا نیوزی گوت:"لە ڕۆژانی پشوو وەزارەتی دارایی عێراق هیچ بڕیارێک لەبارەی تەمویلی مووچەی فەرمانبەران نادات، هاوکات دوای پشوو پرۆسەی وردبینی لە لیستەکان دەستپێدەکاتەوە."

ئەوەی پێویستە بیزانیت: دابەشکردنی مووچەی مانگی هەشتی فەرمانبەرانی عێراق دەستیپێنەکردووە، بەهۆی چلەی ئیمام حسێن ئەو پرۆسەیەش دوادەکەوێت.