حکومەتی هەرێم بەڵێنی جێبەجێکردنی چەندین پڕۆژە لە قەزای خورماڵ دەدات

ئاڤا نیوز

گوتەبێژی حكومەتی هەرێمی كوردستان ڕایگەیاند "حکومەتی هەرێم بەڵێنی جێبەجێکردنی چەندین پڕۆژەی نوێ و گرنگی لە قەزای خورماڵ داوە".

وێنە گەورەكە:گوتەبێژی حکومەتی هەرێمی كوردستان بە نوێنەرایەتی سەرۆکوەزیران بارزانی سەردانی ماڵی ئارام خەلیلی کرد، ئەو کۆڵبەرەی لە قەزای خورماڵ کوژرا، سەرەخۆشی سەرۆکوەزیرانی گەیاند و پەردەی لەسەر وێنەیەکی ئارام لادا کە لە دەروازەی قەزاکە دانرابوو. 

لێدوانی فەرمی: پێشەواهەورامانی، گوتەبێژی حكومەتی هەرێمی كوردستان ڕایگەیاند:"سەرۆکوەزیران چاودێری وردی ڕووداوەکەی کردووە، جەختی لەسەر چارەسەرکردنی کێشەکە بە ڕێگەی یاسایی کردەوە، نەک بە سوڵحی عەشایەری، حکومەت ئامادەیە بۆهەر هاوکارییەك".

زانیاریی زیاتر: "لە داهاتوویەکی نزیکدا کۆمەڵێک پڕۆژەی نوێ لە قەزای خورماڵ جێبەجێ دەکرێن".