باندێکی بازرگانیکردن بە ماددە هۆشبەرەکان لە هەولێر دەستگیر دەکرێت

ئاڤا نیوز

 

لە ئۆپەراسیۆنێکی هاوبەشی نێوان هێزە ئەمنییەکانی هەولێر و بەغدا، باندێکی قاچاخچێتی و بازرگانیکردن بە ماددە هۆشبەرەکان لە هەولێر دەستگیر کرا.

 

ڕاگەیێنراوی فەرمی: بەرێوەبەرایەتیی گشتیی کاروباری ماددە هۆشبەرەکان لە وەزارەتی ناوخۆی عێراق ڕایگەیاند: بە هاوکاری لەگەڵ بەرێوەبەرایەتیی بەرەنگاربوونەوەی ماددە هۆشبەرەکان لە هەولێر توانرا باندێکی قاچاخچێتی و بازرگانیکردن بە ماددە هۆشبەرەکان دەستگیر بکرێت.

 

زانیاریی زیاتر: وەزارەتی ناوخۆی عێراق دەڵێت: ئۆپەراسیۆنەکە لەسەر بنەمای زانیاریی نهێنی دروستی هەواڵگری و بە بەکارهێنانی تاکتیکێکی داهێنەرانە کراوە، لە ئەنجامدا سێ بازرگانی ماددە هۆشبەر دەستگیرکران کە پەیوەندیان بە تۆڕە نێوەدەوڵەتییەکانی ماددە هۆشبەرەکانەوە هەبووە، لە کاتی دەستگیرکردنیشیان دەست بەسەر 30 کلیۆ ماددەی هۆشبەر لە جۆری کریستاڵ دا گیراوە.

 

لەلایەکی دیکە: ڕۆژی 25ـی ئاب بەڕێوەبەرایەتیی گشتیی نەهێشتنی ماددە هۆشبەرەكان دەستگیركردنی سێ بازرگانی ماددە هۆشبەرەكان و دەستبەسەرداگرتنی 85 كیلۆ ماددەی هۆشبەری لە کۆگایەک لە شاری هەولێر  ڕاگەیاند.