لە سنووری ئامێدی شەڕی سەخت لە نێوان سوپای توركیا و پەكەكە ڕوودەدات

ئاڤا نیوز

لە چیای سوورا سگێرێ لە ڕۆژهەڵاتی قەزای ئامێدی، شەڕ لە نێوان سوپای توركیا و پەكەكە ڕوویداوە؛ دەنگی تەقەیەكی زۆریش بیستراوە.

زانیارییە بەدەستهاتووەكان: سەر لە ئێوارەی ئەمڕۆ جارێكی دیكە لە سوورا سگێرێ لە ناوچەی نهێلێی سەر بە قەزای ئامێدی، شەڕ لەنێوان پەكەكە و توركیا ڕوویداوە، تەقەیەكی زۆر كراوە و چەكی قورسیش بەكارهێنراوە.

زانیاریی زیاتر: شەڕەكە كیلۆمەترێك لە شوێنی نیشتەجێبوونی هاووڵاتییان دووربووە، 25 خولەكی خایاندووە و دڵەڕاوكێی لای دانیشتووان پەیداكردووە.

ئەوەی پێویستە بیزانیت: لەگەڵ تێكچوونی كەشوهەوا گەریلاكانی پەكەكە لە دژی بارەگاكانی سوپای توركیا چالاكی دەكەن و بەوهۆیەوە شەڕ لە نێوان هەردوولا ڕوودەدات.

باكگراوند: خاڵی سەربازیی سوورا سگێرێ كە دەكەوێتە  نزیك زنجیرەی چیای مەتینا، یەكێكە لە خاڵە ستراتیژییەكانی توركیا بۆ كۆنترۆڵی جووڵی گەریلاكانی پەكەكە لە سنوورەكانی هەرێمی كوردستان.