سەرجەم ئەو بڕە گەنمەی ماوە لە دوو مانگی داهاتوودا وەردەگیرێت

ئاڤا نیوز

 

گوتەبێژی دەستەی وەبەرهێنانی هەرێمی کوردستان ڕایگەیاند، پرۆسەی وەرگرتنی گەنم بەگوێرەی مەرج و ڕێنماییەکانی عێراق دەبێت.

 

وێنە گەورەکە: کۆبوونەوەیەکی هاوبەش لەنێوان نوێنەری نووسینگەی سەرۆکوەزیران بارزانی و دەستەی وەبەرهێنان و وەزارەتەکانی کشتوکاڵ، بازرگانی و پیشەسازی لەگەڵ گرووپی کۆمپانیاکانی قەیوان و خۆشناو کرا، کە سەرەنجام لەسەر وەرگرتنی گەنمی ماوەی جووتیاران ڕێککەوتن.

 

لێدوانی فەرمی: بەرگەشت ئاکرەیی بە ئاڤا نیوزی گوت: پرۆسەی وەرگرتنی گەنم لەلایەن کۆمپانیاکانی قەیوان و خۆشناو بەگوێرەی مەرج و ڕێنماییەکانی عێراق دەبێت و پشکنینی بۆ دەکرێت.

 

زانیاریی زیاتر: یەک تۆن گەنمی پلەیەک بە 600 هەزار دینار و پلەدووش بە 575 هەزار دینار وەردەگیرێت، هێشتا نزیکەی ملیۆنێک تۆن گەنم لای جووتیاران ماوە.

 

خاڵی ئەرێنی: ئێستا دەست بە پرۆسەی وەرگرتنی گەنم کراوە و هەموو ئەو گەنمەی ماوە لە جووتیاران وەردەگیرێت.

 

ئەمەش بزانە: لەماوەی دوو مانگدا لەلایەن کۆمپانیاکانەوە شایستە داراییەکان بۆ جوتیاران خەرج دەکرێت.