ئەمریکا هەڕەشە لە ئێران دەکات

ئاڤا نیوز

 

گوتەبێژی ئەنجوومەنی ئاسایشی ئەمریكا پەیامێكی ئاراستەی ئێران دەکات و داوای لێدەكات هێرش نەكاتە سەر ئیسرائیل.

 

وێنە گەورەكە: جارێكی دیكە دەنگۆی هێرشی ئێران بۆ سەر ئیسرائیل هەیە، ئەمریكاش هۆشداری دەداتە ئەو وڵاتە هێرشەكانی ڕابگرێت و نەبێتە هۆكاری جەنگێكی ناوچەیی.

 

لێدوانی فەرمی: جۆن كێربی، گوتەبێژی ئەنجوومەنی ئاسایشی ئەمریكا ڕایگەیاند:”داوا لە ئێران دەكەین هێرش نەكات و نەبێتە هۆكاری شەڕێكی ناوچەیی، هیچ هۆكارێکیش نییە بۆ هەڵگیرساندنی ئەو جەنگە، ئەكەر هێرشبكات بەرگری لە ئیسڕائیل دەكەین.

 

ئەوەی پێویستە بیزانیت: ئەمریكا بۆ پشتیوانی ئیسرائیل سەرباز ،كەشتی، مووشەک، درۆن و فڕۆكەی جەنگی زۆری هێناوەتە ڕۆژهەڵاتی ناوەڕاست. 

 

باکگراوند: دوای کوشتنی ئیسماعیل هەنیە، بەرپرسی حەماس لە تاران، ئێران هەڕەشەی تۆڵەسەندەوەی لە ئیسرائیل دەکات.