وەزیری بازرگانی بۆ ئاڤا نیوز: پارەی تەرخانکراو بۆ جووتیاران نەماوە

ئاڤا نیوز

 

وەزیری بازرگانی و پیشەسازی حکومەتی هەرێمی کوردستان ڕایگەیاند: دەبوو دوای هەفتەیەک لە ڕادەستکردنی گەنم، پارە بۆ جوتیاران خەرجکراوە بەڵام پارە نەماوە.

 

لێدوانی فەرمی: کەمال موسلیم بە ئاڤا نیوزی گوت: بەغدا لە کۆی نزیکەی 515 ملیار دینار تەنیا 74 ملیار و 500 ملیۆن دینار پارەی گەنمی جوتیارانی ناردووە، دەبوو دوای هەفتەیەک لە ڕادەستکردنی گەنم، پارە بۆ جوتیاران خەرجکراوە بەڵام پارە نەما.

زانیاری زیاتر: وەزارەتی کشتوکاڵی عێراق مەزندەی گەنمی بە پێنج ملیۆن و 500 هەزار تۆن کردبوو، بۆیە ئەنجوومەنی وەزیرانی عێراق لەسەر ئەو بنەمایە پارەی تەرخان کرد، دواتر دەرکەوت زیاتر لە شەش ملیۆن و 300 هەزار تۆن گەنم وەرگیراوە، واتە 800 هەزار تۆن زیاترە لەو مەزندەیە دانراوە.

 

چارەسەرەکان: دەبێت بۆ ئەو 800 هەزار تۆن گەنمەی وەرگیراوە بودجەی تر تەرخان بکرێت.

 

لەلایەکی دیکەوە: ئەوان دەڵێن پارە هەیە و هی حاڵەتی لەناکاوە و پێویستی بەگواستنەوەیە، بۆچی خێرا نەیانگواستووەتەوە ئەوە نازانم. کەمال موسلم وا دەڵێت.

 

ئەوەش بزانە: هەرێمی کوردستان و پارێزگاکانی کەرکووک، موسڵ، تکریت زۆرینەیان پارەی گەنمی جوتیارانیان لەلایەن بەغداوە بۆ ڕەوانە نەکراوە.