پێنج هەزار سەربازی برینداری ئیسرائیل لە نەخۆشخانەکان تۆمارکراون

ئاڤا نیوز

لە ماوەی 11 مانگی شەڕی نێوان حیزبوڵڵا و ئیسرائیل، زیاتر لە پێنج هەزار سەربازی برینداری ئیسرائیلی لە نەخۆشخانەکانی ئەو وڵاتە چارەسەر وەردەگرن.
                                                                    
وێنە گەورەکە: لە مانگی 10ی ساڵی ڕابردووە کە شەڕی ئیسرائیل و حەماس لە غەززە دەستی پێکردووە، زیاتر لە پێنج هەزار سەربازی ئیسرائیل لەکاتی شەڕکردن لەگەڵ حیزبوڵڵا لە نزیک سنووری لوبنان برینداربوون، ئەم ئامارەش بەپێی نەخۆشخانە و سەنتەری پزیشکی جەلیل لە نەهاریە و نەخۆشخانەی زیف لە سەفد تۆمارکراوە. 

 

ڕاگەیێنراوی فەرمی: بەپێی زانیارییەکانی ڕۆژنامەی یەدعوت ئەحرەنوتی ئیسرائیلی، بەڕێوەبەرانی ئەو دوو نەخۆشخانەیە ترسیان هەیە شەڕی بەرەی باکوور بەم زووانە بەکۆتا نەیەت.  

 

لێدوانی فەرمی: مەساد مەرحوم، بەڕێوەبەری سەنتەری مێدیکاڵی گالیلا گوتی: "کەس ئێمەی ئامادە نەکرد بۆ 11مانگ مانەوە لە ژێر زەمین، ئەوەی هەیە بەرەنگارییەکی گەورەیە بۆ ئێمە".

 

ژمارەکان وادەڵێن: لەو ماوەیەدا ئەو سەنتەرە زیاتر لە هەزار و 700 سەربازی برینداری وەرگرتووە، جگە لەوەی سێ هەزار و 500 برینداری بەشی باکوور هەن.