فڕۆکەکانی تورکیا ئۆتۆمبێلێکیان لە قامیشلۆ کردە ئامانج

ئاڤا نیوز

 

جارێکی دیکە فڕۆکەکانی تورکیا لە قامیشلۆ ئۆتۆمبێلێکیان کردە ئامانج و کوژرا و بریندار هەیە.

 

چیرۆکی سەرەکی: ڕوانگەی سووری بۆ مافەکانی مرۆڤ بڵاویکردەوە، فڕۆکە جەنگییەکانی تورکیا ئۆتۆمبێلێکیان لە نزیک نەخۆشخانەی دڵ لە قامیشلۆ کردە ئامانج و بەو هۆیەوە دایکێک و منداڵەکەی کوژران.

 

لەلایەکی دیکەوە: بەشێک لە میدیاکانی ڕۆژئاوای کوردستان باس لەوەدەکەن لە هێرشەکەدا تورکیا سەرکردەیەکی هێزەکانی هەسەدەی کردووەتە ئامانج.

 

ئەوەی پێویستە بیزانیت: لە سەرەتای ئەمساڵەوە فڕۆکەکانی تورکیا 94 هێرشی ئاسمانییان بۆ سەر ناوچەکانی ڕۆژئاوای کوردستان ئەنجامداوە.

 

ژمارەکان وادەڵێن: لە سەرەتای ئەم ساڵەوە هێرشەکانی تورکیا بۆ سەر ئیدارەی سەربەخۆی باکووری ڕۆژهەڵاتی سووریا، بۆتە هۆی کوژرانی 31 کەس و برینداربوونی زیاتر لە 27  سەرباز و 16 کەسی مەدەنی، لەوانە 3 ژن و 3  منداڵن.