سەرکردەیەکی داعش لە بەغدا دەستگیر دەکرێت

ئاڤا نیوز

 

هێزە ئەمنییەکانی عێراق سەرکردەیەکی سەربازی داعشیان لە بەغدا دەستگیرکرد.

 

وێنە گەورەکە: ئەمڕۆ شەممە 31ی ئابی 2024، هێزە ئەمنییەکان بە یارمەتی هەواڵگیری لە ئۆپەراسیۆنێکدا سەرکردەیەکی دیار و داواکراوی پێشووی داعشیان لە پایتەختی عێراق دەستگیرکرد.

 

ڕاگەیێنراوی فەرمی: لە ڕاگەیێنراوی هێزە ئەمنییەکاندا هاتووە، بەرپرسەکە ناوی (ا.ب.ر) کە سەرکردەیەکی سەربازی ڕێکخراوی داعش بووە و وەکو یاریدەدەری بەرپرسی کەرتی باشووری بەغدا لەو ڕێکخراوە کاری کردووە.

 

ئەوەی پێویستە بیزانیت: لە ساڵی 2017 ەوە ڕێکخراوی داعش شکستیهێناوە لە عێراق، بەڵام لە چەند ناوچەیەک شانە نووستووەکانیان جارجار هێرش دەکەن سەر هێزە ئەمنییەکان و هاووڵاتییان، هەروەها هێزەکانی هاوپەیمانی نێودەوڵەتی بەردەوامن لە هەڵمەتی بەئامانجگرتن و دەستگیرکردنی ئەندامەکانی ئەو ڕێکخراوە.