ئەردۆغان: عێراق لەدەست پەکەکە ڕزگار دەکەین

ئاڤا نیوز

سەرۆککۆماری تورکیا بوونی پەکەکە وەک هەڕەشەیەک بۆ سەر خەڵکی هەرێمی کوردستان و عێراق دەبینێت و هەڕەشەی داخستنی سێگۆشەی پەنجە-کلیت دەکات.

 وێنە گەورەکە: تورکیا بەردەوامە لە شەڕی پەکەکە، بۆ ئەمەش هەوڵ دەدات پشتیوانی عێراق بەدەستبێنێت، دوای کۆبوونەوەی شاندی ئەمنی نێوان ئەنقەرە و بەغدا لە 15ی ئابدا، تورکیا خۆی دەستکراوەتر نیشان دەدات لە بەردەوامیدان و هێرشکردنە سەر پێگەکانی پەکەکە لەو سنوورە.

 

 لێدوانی فەرمی: ئەردۆغان دەڵێت: "پەنابەخوا بەمزووانە پەنجە-کلیت [سێگۆشەی نێوان باشوور، باکوور و ڕۆژئاوای کوردستان] دادەخەین و برا عێراقییەکانمان لە  هەڕەشەی پەکەکە ڕزگار دەکەین".

 

زانیاریی زیاتر: جگە لە عێراق، تورکیا هەوڵ دەدات پێگەکانی یەپەگە، باڵی سەربازی پەکەکە لە ڕۆژائاوی کوردستانیش لاواز بکات.

 

باکگراوند: ماوەی 46 ساڵە شەڕی پەکەکە و تورکیا بەردەوامە، بەهۆی بۆردوومانە بەردەوامەکانی فڕۆکەکانی تورکیا و بۆمبە چێنراوەکانی پەکەکە 200 گوند لە سنووری هەرێمی کوردستان  چۆڵ کراون.