بەهۆی گەندەڵییەوە دوو بەرپرسی پێشووی ئەنبار بەتووندی سزا دەدەرێن

ئاڤا نیوز

 

بەهۆی تێوەگلان لە گەندەڵیی دادگە سزای زیندانیکردنی بۆ دوو بەرپرسی پێشووی پارێزگای ئەنبار و دوو فەرمانبەری دیکە دەرکرد.

 

وێنە گەورەکە: گەندەڵی لە دامودەزگا حکومییەکانی عێراق بووەتە دیاردە و زۆربەی کەرتەکانی گرتووەتەوە و چەندین بەرپرسیش تێوەگلاون، دادگە لە یەک ڕۆژدا سزای تووندی بۆ دوو بەرپرسی پێشوو و دوو فەرمانبەر لە ئەنبار دەکرد.

 

ڕاگەیێنراوی فەرمی: دەستەی دەستپاکی ڕایگەیاند: بەهۆی ساختەکردنی نووسراوی فەرمی سەبارەت بە کڕینی کەلوپەلی کشتوکاڵی دادگە سێ حوکمی زیندانیکردنی تووندی بۆ بەڕێوەبەری پێشووی کشتوکاڵی ئەنبار دەرکرد کە بۆ هەر حوکمێک چوار ساڵ زیندانیکردن دەبێت.

 

لەلایەکی دیکەوە: لە بەرامبەر وەرگرتنی بەرتیل دادگەی ناوەندیی تاوانەکانی بەرەنگاربوونەوەی گەندەڵی بە ئامادەبوونی تۆمەتبار سزای زیندانیکردنی سێ ساڵ و 10 ملیۆن دینار بۆ بەڕێوەبەری پێشووی خانەنشینی ئەنبار و فەرمانبەرێکی دەرکرد.