ل دهۆكێ 33 هزار دۆنمێن ئەردی بۆ چاندنا پتاتان هاتنە تەرخانكرن

ئاڤا نیوز

ئەڤسالە ل پارێزگەها دهۆكێ 33 هزار دۆنمێن ئەردی بۆ چاندنا پتاتان هاتینە تەرخانكرن و دهێتە چاڤەڕێکرن بەرهەم زێدە ببیت ل چاڤ سالێن بووری.

بۆچی گرنگە: دگەل زێدەبوونا ڕێژەیا چاندنا پتاتان، ب ڕەنگەکێ بەرچاڤ دێ پێدڤیا ناڤخۆ ژی تژی بیت، پشتی پێنگاڤێن حکومەتا هەرێما کوردستانێ بەرهەمێ پتاتان بۆ دەرڤە ژی دهێتە هنارتن. 

داخویانیا فەرمی:  ئەحمەد جەمیل، ڕێڤەبەرێ گشتییێ چاندنا دهۆكێ بۆ ئاڤا نیوز گوت، ئەڤسالە 33 هزار دۆنمێن ئەردی ل پارێزگەها دهۆكێ بۆ چاندنا پتاتان هاتینە تەرخانكرن، پێشبینی دهێـتە كرن نێزیكی 400 هزار تەنێن بەرهەمی هەبن.

زانیاریێن زێدەتر: د نوکە دا حكومەتا هەرێما كوردستانێ ئینانا پتاتان ل دەرڤەی ولاتی قەدەغەكریە، ئارمانج ژی ئەوە داکو بەرهەمێ ناڤخۆیێ جووتیاران د بازاڕی دا بهێتە ساخكرن و فرۆتن.