لە مانگێكدا 391 پێشێلکاری لە دەروازە سنوورییەکانی عێراق تۆمارکراون

ئاڤا نیوز 

 

بەپێی ئاماری فەرمی حکومەت، لە مانگی ڕابردوو 391 حاڵەتی پێشێلکاری لە دەروازە سنوورییەکانی عێراق، جگە لە هەرێمی کوردستان تۆمار کراون.

وێنە گەورەکە: دەروازە سنوورییەکانی عێراق یەکێک لە ڕێڕەوە سەرەکییەکانی بە قاچاخبردنی مادە هۆشبەرەکان، دراو و کاڵا و دەرمان کە مانگانە بە سەدان پێشێلکاریی لەو دەروازانە تۆمار دەکرێن.

لێدوانی فەرمی: عەلائەدین قەیسی، گوتەبێژی دەستەی دەروازە سنوورییەکانی عێراق بە ئاڤا نیوزی ڕاگەیاند: ئەو ژمارەیە تەنیا لە مانگی تەمموزی ڕابردوودا لە دەروازە سنوورییەکانی عێراق جگە لە هەرێمی کوردستان تۆمار کراون.

ژمارەکان وا دەڵێن: دیارترین ئەو حاڵەتانەی تۆمار کراون ئەمانەن:
  سکاڵای یاسایی: 95 حاڵەت.
 دەستگیرکردنی داواکراوان: 65 حاڵەت.
 شکستپێهێنانی هەوڵی بردنە دەرەوەی پارە: هەشت حاڵەت.
هەوڵی بە قاچاخبردنی کاڵا: 39 حاڵەت.

زانیاریی زیاتر: جگە لەمەش چەندین حاڵەتی ماددە هۆشبەرەکان، هێنانی ئۆتۆمبێلی نایاسایی، دەرمانی بەسەرچوو، خۆراک و ئاسن و چەندین کاڵای دیکە لەو دەروازانە تۆمارکراون.