15 گەنجی تورک بەهۆی هێرشکردنە سەر سەربازێکی ئەمریکا دەستگیر دەکرێن

ئاڤا نیوز 

 

دوای ئەوەی لەلایەن چەند گەنجێکەوە هێرشکرایە سەر سەربازێکی ئەمریکی لە شاری ئیزمیری تورکیا، دەسەڵاتدارانی ئەو وڵاتە دەستگیرکردنی 15 کەسیان ڕاگەیاند.

 

چیرۆکی سەرەکی: ئێوارەی ئەمڕۆ کەشتییەکی جەنگی ئەمریکی لەکەنار ئاوی ئیزمیر لەنگەری گرت، چەند گەنجێکی سەربە یەکێتی لاوانی تورکیا هێرشیان کردە سەر دوو سەربازی ئەمریکی و سوکایەتییان پێکردن؛ هۆکارەکەشیان بۆ پاڵپشتی ئەمریکا بۆ ئیسرائیل لە پرسی غەززە گەڕاندووەتەوە.

 

لێدوانی فەرمی: پارێزگاری ئیزمیر ڕاگەیاند: 15 ئەندامی بزووتنەوەیەکی گەنجانی نەتەوەپەرستی توندڕەویان دەستبەسەرکردووە کە تۆمەتبارن بە هێرشکردنە سەر دوو سەربازی ئەمەریکا لە ڕۆژئاوای شاری ئیزمیر.

بۆچوونی لایەنی بەرامبەر: باڵیۆزخانەی ئەمریکا لە تورکیا دەستدرێژییەکەی پشتڕاستکردەوە و ڕایگەیاند: سوپاسی دەسەڵاتدارانی تورکیا دەکەین بۆ وەڵامدانەوەی خێرایە و لێکۆڵینەوە بەردەوامەکانیان.