تورکیا دەستگیرکردنی بەڕێوەبەری دارایی مۆسادی ڕاگەیاند

ئاڤا نیوز

دەزگای هەواڵگریی تورکیا "میت" ڕایگەیاند، لیریدۆن ڕێکسێپی کە تۆڕی دارایی مۆسادی لە تورکیا بەڕێوەدەبرد، دەستگیرکرا.

ڕاگەیێنراوی فەرمی: میت ڕایگەیاند: دوای چاودێریکردنی حیساب بانکی ڕێکسێپی، دەركەوت پارەی دەگواستەوە بۆ کارمەندانی مەیدانی لە تورکیا، كاری سەرەكیشیان ئەوەبووە ئۆپەراسیۆنی دەروونییان لە دژی سیاسەتمەدارانی فەڵەستین بەڕێوەبردووە.

زانیاریی زیاتر: بە گوتەی هەواڵگریی توركیا، ئەو كەسەی دەستگیركراوە، زانیاریی بۆ هاوکارەکانی لە سووریا کۆکردووەتەوە و لەژێر ڕێنمایی دەزگای هەواڵگریی ئیسرائیل كاری كردووە.

 

وێنە گەورەکە: لەوکاتەوەی لە حەوتی ئۆکتۆبەری ساڵی ڕابردووەوە شەڕی ئیسرائیل و حەماس دەستیپێکردووە، بەهۆی پشتیوانیکردنی حەماس لە لایەن تورکیاوە پەیوەندی نێوان تورکیا و ئیسرائیل تێکچووە.