لە شەش مانگدا لە عێراق دوو ملیۆن سەرپێچی هاتووچۆ تۆمارکراون

ئاڤا نیوز 

بەپێی ئاماری فەرمی، لە شەش مانگی یەکەمی ئەمساڵدا نزیکەی دوو ملیۆن سەرپێچی هاتووچۆ لە پارێزگاکانی عێراق تۆمار کراون.

وێنە گەورەکە: بەڕێوەبەرایەتیی هاتووچۆی عێراق ساڵانە ئاماری نیوەی ساڵ بڵاودەکاتەوە، ئەمڕۆ سێشەممە سێی ئەیلوولی 2024 ڕاپۆرتی شەش مانگی یەکەمی ئەمساڵی بڵاوکردەوە. بەپێی ئامارەکە  522 هەزار و 50 مۆڵەتی شوفێری بەهەموو جۆرەکانی دراون.

ڕاگەیێنراوی فەرمی: حەیدەر وائلی، بەڕێوەبەری پەیوەندی و میدیای بەڕێوەبەرایەتیی هاتووچۆی عێراق بە ڕۆژنامەی "سەباح"ی ڕاگەیاند: لە شەش مانگی یەکەمی ئەمساڵ یەک ملیۆن و 829 هەزار و 145 سەرپێچی هاتووچۆ تۆمار کراون.

ئەوەی پێویستە بیزانیت: بەگوێرەی ئاماری فەرمی حکومەتی عێراق کە پێشتر بڵاویکردووەتەوە، لە ساڵی 2023دا 11 هەزار و 552 ڕووداوی هاتووچۆ لە پارێزگاکانی عێراق ڕوویانداوە جگە لە هەرێمی کوردستان، سێ هەزار و 19 کەس بەهۆی ئەو ڕووداوانەوە گیانیان لەدەست داوە و 12 هەزار و 314 کەسیش برینداربوون.